Mótareglur

Afskráning: Flest mót leyfa afskráningu þar til tiltekinn tími í mótsanddyri hvers móts rennur upp og hann gæti verið breytilegur frá viðburði til viðburðar. Spilarar sem hafa unnið sætið sitt í gegnum inngöngumót (e. satellite) geta afskráð sig ef viðburðurinn leyfir slíkt og þeir fá þá mótapening (e. T-Money) eða aðgöngumiða í skiptum fyrir sætið sitt. T-Money er hægt að nota til að kaupa sig inn í hin mótin okkar. Smelltu hér til að fá nánari upplýsingar.

Athugið að sum inngöngumót enda eftir að markmótið (e. target tournament) byrjar þó síðskráning standi yfir. Í þeim tilvikum verða þeir sem vinna inngöngumót settir beint inn í markviðburðinn þegar inngöngumótinu lýkur.

Taktu eftir: Skráningar- og afskráningartímar eru breytilegir og ekki öll mót leyfa afskráningu. Kíktu í mótsanddyrið til að sjá nákvæmar skráningarupplýsingar fyrir hvert mót. Við áskiljum okkur rétt til að breyta skráningar- og afskráningartímum án nokkurs fyrirvara.

Spilarar sem útiloka sjálfa sig á meðan fjöldaga pókermót stendur yfir munu samt sem áður geta klárað hvert það mót sem þegar er í gangi sem þeir eru að spila í fyrir. Þetta þýðir líka að spilarar sem óska eftir sjálfsútilokun frá spilun á svæðunum okkar eftir að hafa komist áfram á Dag 2 í margra daga móti geta samt sem áður spilað í því móti næstu daga á eftir, þrátt fyrir að sjálfsútilokunartímabilið þeirra sé hafið. Spilarar sem velja að spila ekki næstu daga á eftir munu ekki fá neinar bætur í staðinn.

Spilarar sem óska eftir sjálfsútilokun á meðan fasamót (e. Phased Tournament) er í gangi geta ekki klárað næsta fasta mótsins. Athugaðu hvort þú getir spilað í mótinu í heild sinni áður en þú skráir þig til leiks í fyrsta fasa.

Dagskrá fyrir mótahlé má finna í „Tournament Information“ hlutanum í „Structure“ flipanum í mótsanddyrinu. Lengd hlés og tímasetning er misjafnt frá einum viðburði til annars. Við bjóðum upp á tvenns konar hlé:

1. Mót með samhæfðum hléum taka hlé 55 mínútum yfir heila tímann. Til dæmis, mót sem hefst kl. 7:25 fer í hlé kl. 7:55, 8:55, 9:55 og á hverjum klukkutíma eftir það þar til mótinu lýkur. Það eru líka til mót þar sem samhæft hlé er aðeins tekið á tveggja tíma fresti. Til dæmis í svona móti sem hefst kl. 8:35 þá væri það í hlé kl. 8:55, 10:55 og svo aðra hverja klukkustund eftir það.
   Í endurkaupsmótum (e. rebuy tournaments) af þessu tagi þegar ábót (e. add-on) er leyfð er aukalegt hlé (vanalega þrjár mínútur) við lok endurkaupstímabilsins, til að leyfa kaup á ábótum fyrir þá sem það vilja.
2. Önnur mót fara í hlé með reglulegu bili á meðan spilun stendur yfir. Til dæmis í móti sem hefst kl. 7:25 þá væri farið í hlé eftir hverja spilaða klukkustund og í þeim tilfellum væri þá farið í fyrsta hlé klukkan 8:25.

Í öllum tilvikum býður mótið eftir að hendur á öllum borðum klárist áður en hlétímabilið hefst. Þetta þýðir að á sumum borðum gæti hléið staðið yfir aðeins lengur en á öðrum borðum.

Athugið að ekki er boðið upp á hlé í öllum mótum (t.d. Hyper-Turbo og í sumum viðburðum með Heads-Up eða Shootout sniði).

Með því að taka þátt í móti samþykkir spilari áhættuna sem fylgt gæti sambandsrofi við netið, vegna vandamála með tengingu á milli tækis síns og netþjóna, tafa eða frystingar eða einhverra annarra vandamála í tækjum eða tengingu spilarans.

1. Við berum enga ábyrgð á sambandsrofi spilara nema í þeim tilfellum sem vefþjónar hafa hrunið
2. Þó hver notandi beri ábyrgð á nettengingu sinni þá reynum við að vernda spilara sem missa samband á meðan lokastig móts fyrir raunverulega peninga stendur yfir, með því að gefa framlengdan tíma vegna sambandsrofs (DET - Disconnect Extra Time).
3. Ef spilari fellur á tíma á meðan hönd stendur yfir, hvort sem hann er tengdur eða ótengdur, verður fyrir því að hönd hans er pakkað (e. folded) ef hann á að gera, eða hann gæti verið tékkaður (e. checked) ef hann þarf ekkert að bregðast við.
4. Ef spilari hefur ekki náð að tengjast aftur áður en hönd hefst fær hann gefin spil og blindfé/forfé (e. blinds/ante) er póstað. Það er engin regla sem segir að spilari megi ekki velja að sitja hjá; spilari sem gerir slíkt heldur áfram að pósta sjálfkrafa út blindfé og hann fær gefin spil. Tveir eða fleiri spilarar mega ekki gera samkomulag um að sitja hjá samtímis, hvort sem það er á sama borði eða sitt hvoru.
5. Í Shootout og Heads-Up viðburðum gildir að ef allir spilarar missa sambandið og/eða þeir sitja hjá í mjög margar hendur (vanalega 250 hendur eða meira í raunpeningamótum) mun viðureignin enda og spilarinn með flestu spilapeningana kemst áfram í næstu umferð.

Í hefðbundnum fjölborðamótum er DET aðeins í boði á lokaborðinu. DET-tíminn er eins og hér segir:

• Fyrsta sögn (e. first action): á milli 60 og 240 sekúndur
• Önnur sögn: á milli 30 og 120 sekúndur (helmingur tímans í fyrstu sögn)
• Þriðja sögn: á milli 15 og 60 sekúndur (helmingur tímans í annarri sögn)
• Fjórða sögn (og aðrar þar á eftir): Enginn aukatími veittur, en þar sem spilarinn er „sitjandi inni“ (e. sitting in) mun hann fá allan þann umhugsunartíma sem fylgir hönd vanalega, til þess að geta gert áður en höndinni er pakkað.

Í Sit & Go-mótum, þar sem spilarar eru færri en 45, er DET í boði þegar mótið er komið niður í þann fjölda spilara sem fá greitt fyrir sætin plús einn. DET-tíminn er eins og hér segir:

• Fyrsta sögn (e. first action): 120 sekúndur
• Önnur sögn (e. second action): 60 sekúndur
• Þriðja sögn (og aðrar þar á eftir): Enginn aukatími veittur, en þar sem spilarinn er „sitjandi inni“ (e. sitting in) mun hann fá allan þann umhugsunartíma sem fylgir hönd vanalega, til þess að geta gert áður en höndinni er pakkað.

Í Heads-up móti er DET í boði allt mótið. DET-tíminn er eins og hér segir:

• Fyrsta sögn (e. first action): 120 sekúndur
• Önnur sögn (e. second action): 60 sekúndur
• Þriðja sögn (og aðrar þar á eftir): Enginn aukatími veittur, en þar sem spilarinn er „sitjandi inni“ (e. sitting in) mun hann fá allan þann umhugsunartíma sem fylgir hönd vanalega, til þess að geta gert áður en höndinni er pakkað.

Um allt hér að ofan gildir að spilari heldur áfram að vera skráður sem „sitting-in“ (sitjandi inni) eftir að hönd hans er pakkað og hann fær þess vegna úthlutuðum fullum umhugsunartíma þegar kemur að honum að gera.

Athugið að í öllum mótum þá er DET núllstillt eftir hvert skipti sem notandinn nær að tengjast aftur. Þannig, að ef spilari er á lokaborðinu í fjölborðaviðburði og hann missir samband og er kominn niður í 30 sekúndur fyrir hverja sögn og nær svo að endurtengjast, að ef hann missir sambandið aftur þá byrjar hann með 240 sekúndur fyrir næstu sögn.

Alltaf ef það gerist að kerfið þarf að bíða eftir spilara sem hefur misst sambandið, þá fer mótaklukkan (sem hækkar blindraloturnar) á pásu/stöðvast þar til DET-tíminn er liðinn hjá spilaranum eða hann nær aftur sambandi.

Taktu eftir: Reglurnar sem eru lýst hér fyrir ofan geta verið misjafnar á milli móta. Ekki er víst að DET sé í boði í öllum mótum; við áskiljum okkur rétt til þess að breyta þessum reglum án þess að gera boð um slíkt fyrir fram.

Með örfáum undantekningum (lýst hér að neðan) smá spilari aðeins spila með einum aðgangi/reikningi í móti og hann má ekki afhenda sæti sitt öðrum í miðjum viðburði. Brot á þessari reglu gætu kallað á refsingar, þar á meðal áminningu, brottvísun úr móti (og upptöku vinninga að hluta eða öllu) og bann frá spilun á verkvangi okkar.

Dæmi um órefsiverðar undantekningar sem við gefum hér að neðan er ætlað að lýsa dæmum um óskipulagða en alvarlega viðburði sem þú hefur enga stjórn á.

Dæmi um hluti sem eru ekki utan þinnar stjórnar og eru þess vegna bannaðir eru meðal annars:

1. Að fara að sofa og leyfa einhverjum öðrum að klára mótið.
2. Að skrá sig í mót og fara svo í ferð sem ákveðin var fyrir fram og biðja því vin um að spila með aðganginum þínum á meðan þú skiptir um stað.
3. Að ákveða að ljúka móti heima hjá vini og biðja svo vin þinn um að taka við aðganginum þínum á meðan þú kemur þér heim til hans.
4. Þú og vinur þinn eruð að spila í sama móti. Þið ákveðið að ef hann er sleginn út á undan þér að hann taki við spilun af þínum aðgangi.
5. Makinn þinn er ekki í bænum um helgina og gefur þér upp lykilorðið sitt. Þú skráir þig inn á báða aðgangana ykkar og spilar af báðum aðgöngum í sama mótinu.
6. Þú hefur komist áfram á síðustu borðin í móti og einhver býður þér jafngildi peninga fyrir sætið þitt. Þú leyfir hinum spilaranum að skrá sig inn á reikninginn þinn, eða heldur áfram og klárar mótið sjálfur með nákvæmum leiðbeiningum sem hann gefur þér.

Dæmi um hluti sem eru utan þinna áhrifa og eru þess vegna leyfðir, að því gefnu að við getum fengið fullnægjandi sönnun, eru meðal annars:

1. Þrumuveður slær út rafmagnið í nágrenninu, svo þú hringir í vin til að taka við aðganginum þínum á meðan þú gerir aðrar ráðstafanir.
2. Barnið þitt veikist snögglega og þú þarft að fara á spítalann, svo þú hringir í vin til að taka við aðganginum þínum.
3. Þú ert að spila í móti og missir aðgang að netinu heima hjá þér vegna þess að netsöluaðilinn (e. ISP) þinn hefur brugðist. Þú hringir í vin og viðkomandi tekur við á meðan þú gerir aðrar ráðstafanir.

Gerð samkomulaga er heimil í mótum, nema annað sé tekið fram í mótsanddyrinu.

1. Ef allir spilarar sem enn eru með í móti samþykkja að skipta verðlaunafénu m.v. reiknireglu sem þeir ákveða sjálfir, samþykkjum við slíkt samkomulag og breytum upprunalega útgefinni vinningatöflu til að endurspegla tölurnar sem komist var að samkomulagi um.
2. Ef allir spilarar sem enn eru eftir vilja gera samkomulag skulu þeir merkja við „Discuss A Deal“ reitinn í „Info“ flipanum í spjallhólfinu við borðið. Þegar allir spilarar hafa merkt í þennan reit er sjálfkrafa gert hlé á borðinu við lok yfirstandandi handar og þjónustuliðið okkar fær tilkynningu. Starfsmaður mætir þá á borðið til að tryggja að auðveldara sé að komast að samkomulagi. Við getum ekki tryggt að stafsmaðurinn komi strax að borðinu þó við gerum allt sem við getum til að komast hjá töfum.
3. Ekki er hægt að gera samkomulög í öllum mótum, en þegar samkomulög eru í boði verður „Discuss A Deal“ reitur aðgengilegur í „Info“ flipanum á lokaborðinu.
4. Við tökum ekki þátt í samkomulagsferlinu sjálfu en við komum að því sem málamiðlarar til að tryggja að allir hafi komist að endanlegu samkomulagi áður en við framkvæmum millifærslurnar sem komist var að skv. ofantöldum skilyrðum.
5. Við áskiljum okkur rétt til að fara fram á að öll samkomulög skilji einhvern pening eftir „á borðinu“ (utan samkomulags) sem verðlaun fyrir fyrsta sætið. Þessi peningur sem þarf að standa utan samkomulagsins er vanalega ekki meira en 5% af heildarverðlaunapottinum og tryggir að mótið endi á réttmætan hátt. Upphæðin sem farið er fram á að verði eftir til að spila um, ef einhver, er vanalega tiltekin í skilaboðum í mótsanddyrinu.
6. Spilarar mega samþykkja að skila meiri pening eftir „á borðinu“ fyrir fyrsta sæti eða önnur sæti.
7. Það er á ábyrgð spilaranna að ákvarða heildarsamkomulagið. Ef engin umsjón er með borðinu af hálfu þjónustuliðsins okkar eru gögn úr spjallglugganum einum ekki nóg til að fullgilda samkomulag. Hinsvegar gætum við fullgilt samkomulag ef það var greinilega sammælst um það af öllum aðilum.
8. Aðeins spilarar á lokaborðinu geta gert samkomulag um peningana og öll samkomulög verða að ná til allra spilara sem enn eru með.
9. Ekki er hægt að framfylgja samkomulögum nema í mótum fyrir raunverulega peninga.
10. Spilarar mega ræða hvaða samkomulag sem þeir óska. Ef spilari óskar eftir því mun starfslið okkar gefa spilurum upp tölur um ICM, fjölda spilapeninga (e. chip count) eða jöfn skipti (e. even split) sem möguleika á samkomulagi.
    • ICM er svokallað „Independent Chip Model“, aðferð sem notuð er til að reikna út eignarhlut (e. equity) hvers spilara í verðlaunapottinum sem stendur eftir miðað við stöðu spilapeninganna (e. chip count), verðlaunasæti sem á eftir að borga út (mínus þann pening sem gæti verið „á borðinu“) og líkindi hvers spilara til að vinna hver verðlaun sem eru eftir í mótinu. Þetta er sjálfkrafa sú aðferð sem spilurum verður boðin fyrst.
    • Staða spilapeninga (e. chip count), er sú aðferð að skipta þeim verðlaunum sem á eftir að greiða út (mínus hvern þann pening sem gæti verið „á borðinu“) eingöngu eftir stöðu spilapeninganna hjá spilurunum.
    • Jöfn skipti (e. even split) deilir þá þeim verðlaunum sem eru eftir (mínus hvern þann pening sem gæti verið „á borðinu“) jafnt á milli allra spilara.

    Allar tölur í samkomulögum sem eru gefnar upp af stafsliði okkar eru ekki lokaúrskurður fyrr en þær hafa örugglega, skýrt og greinilega verið samþykktar af öllum spilurum í spjallboxinu. Spilarar mega ræða aðrar útfærslur á þessum tölum ef þeir vilja; starfslið okkar mun þá endurtaka fyrir alla samkomulagið sem hefur verið samþykkt í spjallboxinu og biðja alla spilara um að staðfesta samkomulagið.

11. Spilarar þurfa að spila til loka Heads-Up viðureignir á hefðbundinn hátt, óháð því hver andstæðingur þeirra er. Allt „flipp“ (e. flipping), spilapeningasturt (e. chip dumping) eða önnur hegðun sem telst óvenjuleg leikspilun er bönnuð. Brot á þessari reglu geta kallað á refsingar sem gætu, til og með, verið útilokun af verkvangi okkar og upptaka fjármuna. Þessi regla gildir ekki um lokaviðureign í lokaviðureign Heads-Up móts skv. dagskrá.

Gerð samkomulags um stig í stöðutöflu móta (e. Trounament Leader Board) eða stöðutöflustig Sit & Go er bönnuð. Ef það er gert gæti það orsakað upptöku allra veittra stöðutöflustiga hjá þeim spilurum mótsins sem komu að samkomulaginu.

Í sumum tilgreindum mótum er peningasjóður settur til höfuðs (e. bounty) sumra eða allra þátttakenda í móti. Spilari sem slær út slíkan mótspilara vinnur peningasjóðinn.

Það eru þrenns konar Bounty-mót:

Knockout: Fé er sett til höfuðs (e. bounty) allra spilara. Þú vinnur peningaverðlaun fyrir hvern spilara sem þú slærð út. Það eru líka Progressive Knockout-mót, þar sem sjóðurinn þér til höfuðs hækkar þegar þú slærð út spilara.

Team Pro Bounty: Fé er sett til höfuðs öllum liðsmönnum Team PokerStars Pro sem taka þátt í mótinu.

Fixed Bounty: Fé er sett til höfuðs tiltekins spilara í mótinu.

Höfuðsféð (e. bounty) er veitt þeim spilara sem vinnur „tilheyrandi pott“ þeirrar handar sem um ræðir, sem gæti verið aðalpotturinn eða einn fjölmargra hliðarpotta. „Tilheyrandi pottur“ þýðir potturinn þar sem spilarinn með féð sett sér til höfuðs hefur verið allur inni með síðustu spilapeningana sína.

Til dæmis:

Daniel (100 spilapeningar), Barry (200 spilapeningar), Vanessa (400 spilapeningar) og Jake (1000 spilapeningar), eru að spila hönd í No-Limit móti.

Daniel fer allur inn og Barry, Vanessa og Jake jafna (e. call). Potturinn sem Daniel á rétt á er þekktur sem „aðalpotturinn“. Boð halda áfram „til hliðar“ (e. side betting), í hliðarpotti 1.

Barry fer allur inn og Vanessa og Jake jafna (e. call). Boð halda áfram á milli Vanessu og Jake í hliðarpotti 2.

Vanessa fer öll inn og Jake jafnar (e. call).

Barry sýnir bestu höndina. Hann vinnur hliðarpott 1 og aðalpottinn og slær út Daniel. Hann fær féð sem var til höfuðs Daniel.

Jake sýnir næst bestu höndina og vinnur hliðarpott 2 og slær út Vanessu. Jake fær féð sem var sett til höfuðs Vanessu.

Athugið að þó að Barry hafi verið með bestu höndina í heildina átti hann ekki eins marga spilapeninga og Vanessa og gat þess vegna ekki slegið hana út. Jake átti hinsvegar nógu marga spilapeninga og þess vegna vinnur hann féð sem var til höfuðs Vanessu.

Ef spilari með fé sér til höfuðs vinnur mót:

1. Í Knockout-móti fær spilarinn afhent sitt eigið höfuðsfé.
2. Í Team Pro eða Fixed Bounty-móti þar sem liðsmaður Team Pro eða Fixed Bounty spilari vinnur er höfuðsféð ekki afhent/greitt.

Rúllað áfram (e. roll forward - Spilarar komnir í peningasæti): Þegar móti er aflýst og spilarar hafa þegar náð í peningasæti þá endurgreiðum við hverjum þeim spilara sem eftir er motsgjaldið hans (og höfuðsfé fyrir útslátt (e. knockout) ef það á við) og skiptum upp verðlaunapottinum miðað við eftirfarandi formúlu: hver spilari fær lágmarksverðlaun sem ekki hafa þegar verið veitt á þeim tíma sem móti var hætt og afganginum af verðlaunapottinum er skipt hlutfallslega miðað við spilapeningastöðuna.

Heads-up Sit & Go-mót (HU S&G) eru meðhöndluð á annan hátt, vegna þess að þau eru frekar sérstakt fyrirbæri vegna uppsetningarinnar. Til dæmis ef einn spilari er í sambandi á meðan kannski annar missir sambandið, þá gæti fyrri spilarinn náð að vinna mótið á meðan hinn hefur enn ekki náð sambandi aftur. Þess vegna áskiljum við okkur rétt til að skipta peningum eftir spilapeningastöðunni í öllum HU S&G sem við teljum að hafi orðið fyrir miklum áhrifum vegna sambandsleysis eða ef síðan okkar hefur legið niðri.